Монгол Улсын биеийн тамир спортын тухай хуулийг хэрэгжүүлэх, волейболын спортыг хөгжүүлэх, сурталчлах, ТӨВ-МИГ клубыг сурталчлан таниулах болон шинэ залуу тамирчдыг нээн илрүүлэх зорилгоор сумын аварга шалгаруулах волейболын тэмцээн 2025 оны 4 дүгээр сарын 18-ны өдөр Заамар сумын Соёл спорт цогцолборын спорт зааланд зохион байгуулагдахаар боллоо.

Баг 8 гишүүнтэй /бүгд ижил хувцасаар жигдэрсэн байх/ эрэгтэй, эмэгтэй төрлөөр Заамар сумын харьяат болон тус суманд ажиллаж амьдарч буй насанд хүрэгчдийн дунд болно. Ерөнхий боловсролын сургуулийн сурагчид оролцохгүй.

Багийн ахлагчид 2025.04.18-ны 08:00 цагт багийн мэдүүлгээ авч ирэн техникийн зөвлөгөөнд оролцоно.

Хоцорсон ирээгүй багийг тэмцээнээс хасах учраас цагаа барин ирэхийг анхааруулъя.

Эхний 3 байранд орсон баг тамирчид бүсийн аварга шалгаруулах тэмцээнд орох эрхтэй болно.

Холбогдох утас: 95090947, 99075914

Зохион байгуулагч: ЗДТГ ТӨВ-МИГ клуб