Монголын Улсын Засгийн газрын 2011 оны 339-р тогтоол “Гамшгийн аюулын тухай зарлан мэдээллийн дохио дамжуулах журам”, 2017 оны 67 дугаар тогтоол “Газар хөдлөлтийн аюулаас урьдчилан сэргийлэх өдөртэй болох тухай”-ын хэрэгжилтийг хангах хүрээнд 2025 оны 3 дугаар сарын 27-ны өдрийн 16 цагт Зарлан мэдээлэлийн дохиог ажиллуулан 3 алхам зарчмыг баримталж бэлэн байдлын үзлэг, дадлага сургуулийг сумын цуглах талбайд зохион байгууллаа.

Уг дадлага сургуулиар зарлан мэдээлэх дууд дохио, хэрэгслийн бэлэн байдал, үйлчлэх хүрээг шалгах, газар хөдлөлтийн гамшгийн аюул тулгарсан үед төрийн болон төрийн бус байгууллагуудын бэлэн байдлыг хангуулах, иргэдийг гамшгийн үеийн аюулын зарлан мэдээлэх дохиогоор цугларах, ажиллуулах сургалт хийв.

Гамшгийн үеийн аюулын зарлан мэдээлэх дохиогоор 12 байгууллага, мэргэжлийн ангийн 72 албан хаагч, 139 иргэн нийт 211 хүн хамрагдсан байна.

Дадлага сургуулалтын үеэр мэргэжлийн ангийн томилгоот бүлгүүдэд бэлэн байдлын үзлэг хийж цаашид хэрэгжүүлэх зөвлөмж өгөв.

Мөн дадлага сургуульд ирсэн албан хаагч, иргэдэд Газар хөдлөлтийн аюулаас урьдчилан сэргийлэх, газар хөдлөлтийн хор уршиг, нөхцөл байдлын талаар сургалт, таниулах хичээл орж, мэдээлэл өгөв.