Монгол Улсын Засгийн газрын 2011 оны 339 тогтоол " Гамшгийн аюулын тухай зарлан мэдээллийн дохио дамжуулах журам"-ын хэрэгжилтийг хангуулах ажлын хүрээнд гамшгаас хамгаалах албаны ерөнхий зориулалттай мэргэжлийн ангийн гишүүдийг бэлтгэл, бэлэн байдлын үзлэгийг иргэд, аж ахуйн нэгжүүд, төсвийн байгууллагын албан хаагчдын дунд зохион байгуулна.

Иймд иргэд, аж ахуйн нэгж, байгууллагууд газар хөдлөлтийн дуут дохио 2025.03.27-ны 16:00 цагт дуугарахад Соёлын төвийн урд талбайд ирж жагсаж иргэний үүргээ биелүүлнэ үү.

2025 оны 03 дугаар сарын 27-ны өдрийн 16:00 цагт Зарлан мэдээллийн дохиогоор ажиллах үед хийх 3 алхам зарчмыг баримтална.

-НЭГДЭХ ДОХИО ДУУГАРАХАД "Суу, Нуугд, Хүлээ" гэсэн дүрмийг баримталж аль болох шил, цонхноос хол, бат бөх ширээн доогуур орж бие болон толгойгоо халхлан аюулгүй байдлаа хангаж түр хүлээнэ үү. Хэрэв та гудамжинд явж байвал, гэрэлтүүлэг цахилгааны тулгуур багана, өндөр барилга, байгууламж зэргээс холдож биеэ хамгаалан сууж түр хүлээнэ үү. Тээврийн хэрэгслээр явж байгаа тохиолдолд замаас гарч, тээврийн хэрэгслийг унтрааж түр хүлээнэ үү.

-ХОЁР ДАХЬ ДОХИО ДУУГАРАХАД Ажлын байранд байгаа бол толгойгоо халхлан яарч сандралгүй нэгийн цуваанд орж баруун гар талаа барьж, "гүйхгүй, эргэж буцахгүй, нэгнээ түлхэхгүй" гэсэн дүрмээ баримталж, байгаа газраасаа гарч, байгууллагын аюулгүй талбайд цугларч, бүртгэл хөтөлнө.

-ГУРАВ ДАХЬ ДОХИО ДУУГАРАХАД "Сумын цугларах талбай"-д сумын ерөнхий зориулалттай мэргэжлийн ангийн бие бүрэлдэхүүн, багаж хэрэгсэл, авто машин, техникийн хамт цуглаж, зарлан мэдээллийн дохиогоор тус тус ажиллана.