Сумын өнгө үзэмжийг сайжруулах, иргэдийн аюулгүй амьдрах орчныг бүрдүүлэх, зам талбайн гэрэлтүүлгийг нэмэгдүүлэх зорилгоор хийгдсэн ажил болох "Гэрэлт цамхаг" бүрэн ашиглалтад орлоо.

"Баянгол Эко Заамар ХХК"-тай хийсэн Нийгмийн хариуцлагын гэрээгээр, гэрээний дүн болох 93,940,000 төгрөгийн өртөгөөр "Сайн Камер ХХК" гүйцэтгэн хүлээлгэн өгсөн.

Сумын 7 цэгт гэрэлт цамхаг байрласан ба тод тусгал бүхий тойроод бүх чигт туссан гэрэлтэй, 360 градусийн тусгал бүхий камертай, иргэдийн амгалан тайван байдлыг хангах, гарах гэмт хэрэг зөрчлийг хянаж хязгаарлах чухал ач холбогдолтой бүтээн байгуулалт боллоо.