Төрийн байгууллагуудын албан хаагчдыг спортын арга хэмжээнд өргөнөөр оролцуулж түүгээр дамжуулан байгууллагуудын үйл ажиллагааг сурталчлах, тайлагнах замаар хамтын ажиллагааг өргөжүүлж, итгэлцлийг бий болгох, чөлөөт цагийг зөв боловсон өнгөрүүлэх, тэдний дархлааг дэмжих, идэвх санаачилгыг өрнүүлэх, шигшээ баг, тамирчдыг сонгон шалгаруулах зорилгоор сумын төрийн болон төрийн өмчит байгууллага, банк санхүү, дулаан, цахилгаанаар хангагч байгууллагуудын албан хаагчдын дунд зохион байгуулагдана.

Үүнд: Заамар сумын ЗДТГ, ЕБ-ын 1,2-р сургууль, Инээмсэглэл болон Шижир-Алт цэцэрлэг, Политехникийн коллеж, Заамар сум дахь сум дундын цагдаагийн хэлтэс, Соёлын төв, Эрүүл мэндийн төв, Заамарын хөгжил ОНӨААТҮГ, Төрийн болон Хаан банкны салбарууд, цахилгаан, дулаанаар хангагч байгууллагууд хамрагдана.

Тэмцээний төрөл:

*Волейбол эрэгтэй, эмэгтэй /баг бүр 7 гишүүнтэй/

21 тоогоор 2 үе, хожил тэнцвэл 3 дахь үе 15 тоогоор тоглоно.

*Сагсан бөмбөг эрэгтэй, эмэгтэй /баг бүр 6 гишүүнтэй/

эрэгтэй 6 мин /нэг талдаа/, эмэгтэй 5 мин /нэг талдаа/

*Дартс эрэгтэй, эмэгтэй /нэг байгууллагаас 1-2 хүн оролцоно/

301 онооноос хасах журмаар, олон Улсын стандарт дүрмээр тоглоно.

*Шатар эрэгтэй, эмэгтэй /нэг байгууллагаас 1-2 хүн оролцоно/

*Теннис эрэгтэй, эмэгтэй /нэг байгууллагаас 1-2 хүн оролцоно/

11 тоогоор 2 үе тоглоно.

Спортын тэмцээнд оролцох багууд байгууллагын логотой, ижил өнгийн хувцас, хувийн дугаартай байна.

Спортын тэмцээнд баг тамирчдыг тэмцээн эхэлснээс хойш 5 минут хүлээх ба ирээгүй тохиолдолд тэмцээнд хожигдсонд тооцож өрсөлдөгч багт хожлыг өгнө.

Багийн төрлүүдэд эрэгтэй хүйсийн тоо хүрээгүй тохиолдолд тэмцээнд оролцохгүй байх аль эсвэл 2 хүртэлх эмэгтэй тоглогч өөрийн байгууллагаасаа оролцуулах боломжтой.

Техникийн зөвлөгөөн 2024.11.15-ны 09:00 цагт ЗДТГ-ын хурлын танхимд болно.

Тэмцээнд оролцох багууд багийн мэдүүлэгтээ ажиллаж буй байгууллагын нийгмийн даатгалын тодорхойлолтыг хавсаргасан байх ба байгууллага тус бүр 200.000 төгрөгийн бооцоотой байна.

Спортын тэмцээн 2024.11.15-16-ны өдөр сумын Соёл спорт цогцолбор болон ХААИС-ын харьяа Заамар политехникийн коллежийн спорт зааланд болно.

Зохион байгуулагч: Засаг даргын Тамгын газар, ХААИС-ын харьяа Заамар политехникийн коллеж, Инээмсэглэл цэцэрлэг

Холбоо барих утас: 95090947, 85117858