Тус сумын хөгжлийн стратеги төлөвлөгөөнд (2021-2030 он) тусгасны дагуу Тосон 1-р багийн төв Ар уртад Малын тэжээлийн цехийг орон нутгийн хөгжлийн сангийн хөрөнгө оруулалтаар байгууллаа.

Үндсэн цехийн барилгын нийт талбай 70м2, агуулахын хэсгийн талбай 40м2, халаалтын системийг бие даасан байдлаар шийдвэрлэсэн юм.

Уг барилгын гүйцэтгэгчээр тендерт "Едилжайех" ХХК шалгаран 140,177,079 төгрөгөөр гүйцэтгэсэн.

Цаашид цехийн үйл ажиллагааг "Өгсөл Ар урт" хоршооны хамт олон менежмент зохион байгуулалтыг хийнэ. Тус хоршооны хамт олонд амжилт хүсье.