ЗААМАР НУТГААС ДӨРӨВ ДЭХ “МОНГОЛ УЛСЫН ГАВЬЯАТ” ЦОЛТОН ТӨРЛӨӨ

Тулгар төрийн 2233 жил, Их Монгол Улс байгуулагдсны 818 жил, Үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жил, төрөлх нутаг Заамар сум байгуулагдсаны түүхт 101 жилийн ойн Баяр наадмын босгон дээр Мал эмнэлгийн шинжлэх ухааны хөгжилд жинтэй хувь нэмэр оруулж, өөрийн олон арван судалгаа шинжилгээний үр дүнгээ үйлдвэрлэлд нэвтрүүлсний зэрэгцээ салбарын боловсон хүчнийг бэлтгэх, чадавхжуулахад манлайлал үзүүлэн ажиллаж яваа Заамар нутгийн хүү, Шинжлэх Ухааны доктор, ХААИС-ийн Мал эмнэлгийн сургуулийн захирал Алтангэрэлийн ГОМБОЖАВ Монгол Улсын “Малын Гавьяат Эмч” цолоор шагнагдахаар боллоо.

 Нутгийн олон, салбарынхаа бахархал болсон Гооёо доктортоо нийт Заамарчуудынхаа нэрийн өмнөөс чин сэтгэлийн баяр хүргэж, судалгаа шинжилгээний ажилд нь улам өрнөх амжилтыг хүсэн ерөөе!