Олон Улсын хүүхдийн эрхийг хамгаалах өдрийг тохиолдуулан Заамар сумын Хүүхдийн төлөө зөвлөлөөс тусгай хөтөлбөрийн хүрээнд хүүхдийн баярыг тэмдэглэн өнгөрүүллээ.

Нээлтийн үйл ажиллагаанд 800 гаруй хүүхэд хүслийн бөмбөлөг хөөргөж баярын арга хэмжээг хүсэл мөрөөдлөөр жигүүрлэн эхлүүллээ.

Мөн хөтөлбөрийн хүрээнд “Эхийн алдар” 1, 2 дугаар зэргийн одон гардуулах ёслол, Баярын тоглолт, цэцэрлэгт хүрээлэнгийн "Гэрэлт гудамж"-н нээлт, “Хүүхдийн ертөнц” гар зургийн уралдааны үзэсгэлэн, арга хэмжээнүүдийг зохион байгуулав.

“Хүүхдийн ертөнц” гар зургийн уралдаан, 3*3 сагсан бөмбөгийн тэмцээн, талбайн гар зургийн уралдаан, “Жогжоохон даагатай могжоохон хүү” гийнгоо дуулах уралдаан, “Ирээдүйн аварга” үндэсний бөхийн барилдаан, “Мөрөөдлийн гоол” хөл бөмбөгийн тэмцээн, дугуйн уралдаануудыг тус тус зохион байгуулсан ба нийт 510 хүүхэд оролцсон байна.

Энэхүү арга хэмжээгээр дамжуулан бүхий л хүүхдийн оролцоог хангахад анхаарч, арга хэмжээнд идэвхтэй оролцсон хүүхдүүдийг урамшуулан ажиллалаа.

Хүүхэд бүхний хүсэл мөрөөдөл бүхэн биелэх болтугай