Сумын Засаг даргын Тамгын газрын урилгаар өнөөдөр буюу 2024.05.19-ний өдөр Төв аймгийн хөлбөмбөгийн холбооны тэргүүн, Монголын хөлбөмбөгийн холбооны зөвлөлийн гишүүн С.Гантөр, аймгийн ХБХ-ы нарийн бичгийн дарга О.Дагвасүрэн, “Төв буганууд” клубын гүйцэтгэх захирал Б.Анхбаяр, аймгийн ХБХ-ы удирдах зөвлөлийн гишүүн С.Ундрахбат, Х.Дашбалжир нар манай суманд ажиллаж “ГООЛЫН БАЯР” нэрийн дор хөлбөмбөгийн спортыг сонирхогч, хичээллэгч хүүхэд багачуудад мэргэжил, ур чадварын анхан шатны сургалт зохион байгуулж, хөлбөмбөгийн хувцас, бөмбөгийг бэлэглэлээ.

 Энэ үеэр холбооны тэргүүн, гишүүд орон нутгийн дотоод нөөц боломжоор хүүхэд залуусын хүсэл мөрөөдлийг дэмжих, улсын зэрэглэлийн тэмцээн уралдаан зохион байгуулах боломжтой талбай байгуулсныг сайшааж, энэ оны 9 дүгээр сард аймгийн бүсийн тэмцээнийг манай суманд зохион байгуулахаар шийдвэрлэлээ.

 Дэлхийн их спортыг улсдаа болон орон нутагт хөгжүүлэхэд сэтгэл зүтгэлээ зориулан байгаа, хөлбөмбөгч бяцхан Заамарчуудад урам нэмсэн аймгийн ХБХ-ы удирлага, гишүүдэд чин сэтгэлийн талархал илэрхийлж, ажлын өндөр амжилтыг хүсэн ерөөе!

 Өнөөдрийн зохион байгуулсан ажлын үр дүн үндэс суурь нь болж, манай сумаас олон олон Роналда, Месси төрөх болтугай.

 Хүүхэд багачуудын минь хүсэл мөрөөдөл үргэлж биелэж байх болтугай.