3 ЖИЛ ДАРААЛАН НЭГЖЭЭС ХУРААСАН УРГАЦААР АЙМАГТАА ТЭРГҮҮН БАЙРАНД ШАЛГАРЛАА 

2023 он Заамарчууд бидэнд нэгэн зууны түүхийг бүтээсэн, бүтээн байгуулалт олноор өрнөсөн амжилт дүүрэн жил болж өнгөрлөө.

 Байгаль эх маань ч өгөөж хишгээ харамгүй хайрлаж, Заамарчууд энэ жил аймагтаа нэгжээс хураасан ургацаар 3 дахь удаагаа ТЭРГҮҮН байранд шалгарлаа.

 Энэхүү түүхэн амжилтын эзэд болсон сумынхаа газар тариалангийн анхны шанг татаж, нэгэн жарны түүхийг бичсэн ахмад тариаланчдадаа, тэднийхээ хойчийг залгамжлан, галыг сахиж яваа өнөө цагийн нийт тариаланчдадаа халуун баяр хүргэе!

 Түүнчлэн 2023 онд 357 га-д тариалж, 1200 тн буюу нэгжээс 33.6 цн ургац хураан авч “Нэгжээс хураан авсан үр тарианы ургац”-аар аймагтаа ТЭРГҮҮН байранд шалгарсан Н.Гантулга захиралтай “Ялгуун эрдэнэ” ХХК-ийн хамт олон, сүүлийн 3 жилд дунджаар 25.6 цн хурааж, 2021, 2022, 2023 онуудад Үр тарианы нэгжийн ургацын дунджаар тэргүүлсэн Д.Энхбат захиралтай “Тосон-Овоот хайрхан” ХХК-ийн хамт олонд тусгайлан баяр хүргэж, талархал дэвшүүлье.