Нэгхэн хоногийн өмнө Монгол Улсын Алдарт уяач Чалхаагийн Уламбаяр төрийн их баяр наадамдаа хурдан шүдлэнгээ айрагдуулж, нутгийн олон наадамчин түмнээ баярлуулсан билээ.

 Тэгвэл өнөөдөр Аймгийн заан Лхагвадоржийн Даваажамц маань Багахангай дүүргийн Баяр наадмын хүчит бөхийн барилдаанд түрүүлэн Аймгийн арслан цол хүртлээ.

 Эр бяр, хурд хүч, авхаалж самбаагаа дайчлан амжилттай сайн барилдаж Аймгийн арслан цол хүртсэн Л.Даваажамцдаа нийт Заамарчуудынхаа нэрийн өмнөөс халуун баярыг хүргэе.

 Улсын начин Д.Намдаг, Улсын Өсөх идэр начин Ж.Отгонбаяр нарынхаа үргэлжлэл болж, цолыг нь ахиулж тун удахгүй Улсын цолтон, Монгол түмний хайртай бөх болно гэдэгт нутгийн олон нь итгэж, дээлийнх нь захыг мушгиж суугаа шүү.