ЗААМАР СУМАНД "ГАМШГААС ХАМГААЛАХ КОМАНД ШТАБЫН СУРГУУЛЬ" 2023.5.17-19 -НЫ ӨДРҮҮДЭД АМЖИЛТТАЙ БОЛЖ ӨНДӨРЛӨЛӨӨ.

Монгол Улсын гамшгаас хамгаалах хууль, тогтоомж, бодлого, шийдвэр, аймгийн Засаг даргын үйл ажиллагааны хөтөлбөрийг хэрэгжүүлэх, сумдын мэргэжлийн ангийн томилгоот бүрэлдэхүүний бэлтгэл бэлэн байдлыг дээшлүүлэх зорилгоор “Гамшгаас хамгаалах команд штабын сургууль”-ийг Манай суманд Төв аймгийн Онцгой байдлын газар, Эрүүл мэндийн газар, Мал эмнэлгийн газар, Улаанзагалмайн дунд шатны хороодын бүрэлдэхүүнтэй ирж хамтран зохион байгууллаа.

Тухайн өдрүүдэд Заамар сумын Засаг даргын захирамжаар томилогдсон гамшгаас хамгаалах мэргэжлийн ангийн томилгоот бүрэлдэхүүнд байдаг73 гишүүн, Онцгой байдлын бүрэлдэхүүн, сумын уул уурхай, аж ахуйн нэгжийн төлөөлөл, төсөвт байгууллагуудын албан хаагч болон Заамар сумын хөрш зэргэлдээх Лүн, Эрдэнэсант, Угтаал, Баянхангай, Эрдэнэсант, Өндөрширээт сумдын 40 орчин удирдах бүрэлдэхүүнд гамшгаас хамгаалах тухай хууль, мэргэжлийн ангийн дүрэм болон бусад гамшиг ослоос урьдчилан сэргийлэх мэдлэг олгох сургалтыг танхимаар зохион байгуулж, дадлага сургалтын бэлтгэл ажлыг хангах, дадлага сургууль хийж сум орон нутагт гамшгийн аюул тохиолдоход Сумын мэргэжлийн ангийн бүрэлдэхүүн болон Онцгой байдлын бүрэлдэхүүн сумынхаа иргэдийг яаж авран хамгаалах, даван туулах, эрсдлийг яаж бууруулах талаар мэдлэг олгосон сайхан сургууль, сургалт болж өндөрлөлөө.

Энэхүү сургалтанд идэвхитэй оролцсон Мэргэжлийн ангийн бүрэлдэхүүн болон Онцгой байдлын бүрэлдэхүүн мөн зохион байгуулахад хамтран дэмжлэг үзүүлж оролцсон байгууллагууддаа баярлалаа.