Хүүхэд залуучууд болон иргэдийн дунд бүжгийн спорт түүний ач холбогдлыг сурталчлан таниулах, сонирхогчдын цар хүрээг нэмэгдүүлэх, бүжгийн спортоор дамжуулан гоо зүйн боловсрол олгох, бие бялдрыг өв тэгш хөгжүүлэх, авьяас чадварыг нээн хөгжүүлэх зорилгоор жил бүр уламжлал болгон зохион байгуулдаг бүжгийн спортын аймгийн аварга шалгаруулах “Цагаан сарнай-2023” тэмцээн 2023 оны 04 дүгээр сарын 14-ний өдөр Зуунмод суманд боллоо.

Тэмцээнд Заамар сумын Соёлын төвийн дэргэдэх "NB DANCE CLUB"-н 17 сурагч оролцож 8 алтан медаль, 4 хүрэл медаль, 8 тусгай байрын шагнал хүртэж 15 сумын 278 хүүхэд оролцсон тэмцээнд багийн дүнгээр 2-р байранд шалгарлаа. Удирдсан багш Соёлын төвийн бүжгийн багш Д.Нямбаяр, амжилттай оролцсон нийт 17 сурагчдадаа, биднийг дэмжиж хамтран ажилласан ЗДТГ, ЕБС-н хамт олон, эцэг эхчүүддээ талархал илэрхийлье